ارض الاڼتقام الفصل الثاني
انت في الصفحة 1 من 3 صفحات
الفصل الثاني
روايه القلب وما يريد
ارض الاڼتقام
الحلقه التانيه
شددت بروج تعليماتها ان محدش يجيب سيره لجدها ولا لإسلام ابن عمها لما يجوا
دورت علي البنات في كل الأوض ملقتهمش وهي فاضل اوضه اخيره مدورتش فيها اوضه تلا واحده من التلت بنات
دخلت لاقيتهم التلاته اتنفضوا... وقفوا جنب بعض خايفين ومرعوبين. . مين ميخافش من نظرات بروج اللي عامله زي الصقر .... شاورت بروج لاختها منه ان هي تقرب ... منه قربت
بوسي اخت بروج الصغيره عندها 18 سنه انما منه عندها 21 سنه يا سلام يأختي اشمعنا هي منا اختك برضه
تلا الله الله ايوه بقي قولوا كده... انا واخويا علي ابن عمي. ومش بعيد يكون لعبه انتوا عاملينها عليا
بروج بزهق تلااااااااااااابييييب
بوسي ضحكت فتلا ضړبت برجليها الارض... مش ذنبها ان هي اتولدت باسم غريب..... مش ذنبها ان والدتها مكنش بعيش ليها بنات فبعض الخرافات اللي في الريف بتقول انك تسمي المولود باسم غريب ومختلف علشان يعيش.... فسمتها تلابيب.. بس هي من يوم ما بدأت توعي علي الدنيا وهي معترضه علي الاسم وخلت الكل يقولها يا تلا. . بس ساعات بيستفزوها باسمها الحقيقي
بروج ما انتي اللي استفزتيني بكلامك رغم انتي عارفه كويس انك مش بنت عمي وبس لا وبنت خالتي كمان يعني قريبتي من ناحيتين... وربنا يعلم ان مقامك ومعزتك في قلبي زي منه وبوسي
.... وانتي يا ست بوسي قولت لمنه تقف جنبي علشان انا عارفه ان منه ملتزمه وعمرها ما هتكلم شاب.... فها قولولي مين يا حلويين اللي كان الواد ده جايلها
مسكتها بروج من شعرها
بروج لا سلام ايه مفيش واحده فيكوا هتمشي غير لما اعرف الواد ده كان جاي لمين....
بوسي بۏجع شعري يا مفتريه
بروج عملالي شعرك قطتين يا نوغه.... وبعدين اصلا بيبقي باين من الحجاب القطتين بتوعك دول وبيبقي شكلك زي النيله
بوسي بعملهم في البيت بس والله.... عااااا... يا فتكتات سيبي شعراااااااي .... والله لأقول لجدي ان انتي ضربتيني
بوسي انا راضيه ذمتك اسيب جامبول وبص للواد المسلوع ده... والله ما اعرفه حتي... جته مصېبه تأخده
بروج سابتها وبصت لتلا تلابيب
تلا يوووه
بروج ماشي يا ستي... تلا... الواد ده تعرفيه
شاورت تلا برأسها اه وهي باصه للارض
شاورت برضه بأه
كانت بروج علي اخرها... بس مش من عاده بروج العصبيه خالص من عادتها انها بتاخد الأمور ببرود
بروج بهدوء انتي عارفه انك عملتي حاجه غلط صح
تلا لأ
بروج لا ازاي !
تلا احنا بنحب بعض فين الغلط في كده
بروج انتي مش شايفه انك بتعملي حاجه غلط تمام اوي... تقدري تكلميه قدام اهلك
تلا لا
