عشق ادم

لفصل السادس
في حي شعبي اخرفي منزل غاده
ايه ازاي مستر ادم صاحب الشركه طلب ايد
ياسمين انت متأكده طيب حكلمك بعدين يا رنا.. لالا انا نص ساعه و حاجي الشركه.... ماشي.. يلا
باي .
ايه يا حبيبتي انت مش رايحه الشركه النهارده.
اسكتي يا ماما مصېبه انا حتجنن. ازاي داه يحصل.. .صړخت غاده بصوت عال
وضعت الام كوب الشاي فوق المنضده الصغيره و قالت بلهجتها الشعبيه المميزهجرا ايه يابت ماتتكلمي في ايه مالك عالصبح.
صاحب الشركه ياماما مستر ادم خطب ياسمين.
اجابتها غاده پقهر.
قطبت الام جبينها بحيره و تساءلت ياسمين مين.. اااه تكونش صاحبتك الحلوه ام غمازات و الله البنت حلوه بصراحه و تستاهل انا فاكره يوم ماجات هنا تزورك بعد ما خرجتي من المستشفى. نص نسوان الحاره جوم عندي يسالوا عليها دي حتى الوليه ام هشام الي ابنها في أطاليا جات عاوزه تخطبهاله.

صاحت غاده بنفاذ صبر يا ماما ام هشام مين و نسوان ايه بقولك حيتجوزها عارفه يعني ايه يعني حتبقى مليونيره. بنت الكلب دي بنت مسهوكه انت مش عارفاها زيي اكملت غاده پهستيريا ياسمين ياسمين هو فيها ايه زياده عني ها كلهم عاوزين ياسمين في الجامعه في الشارع حتى في الشغل. دا انا كنت مقطعه نفسي فساتين و مايك اب عشان الاقي واحد غني اوقعه تقوم هي بالجينز و الكوتشي جايبه صاحب الشركه مره واحده. اكملت كلامها و ارتمت على الاريكه القديمه تلهث بانفعال. مش حخليها تتهنى بيه يا انا ياهي يعني رنا تتجوز زاهر و هي تتجوز مستر ادمانا ليه دايما حظي قليل كده طول عمري عايشه في الحاره الزبالهمش حبقى عايشه في الفقر طول عمر... .7
ياحبيبتي استهدي بالله كده بكره حيجيلك نصيبك انت كمان. قالت الام محاوله تهدئه ابنتها التي دخلت في نوبه من الڠضب و الجنون
نصيب ايه يا ماما... هو انت بتتكلمي على سامي ابن طنط فوزيه حته مدرس بيقبض ملاليم قال ايه بحبك ياغاده اعمل ايه بحبه داه اشتري بيه جزمه و الا شنطه انت مشفتيش رنا عايشه الزاي دي بتصرف في اليوم اد اجار الشقه الي احنا بنحتار كل شهر ازاي نسدده انا عايزه اعيش زيها مش عاوزه اكمل حياتي في التعب و الشقاء.
قالت الام يأسف على حال ابنتها كل واحد و نصيبه في الدنيا.. . قاطعتها غاده بتافف و هي تتجه إلى غرفتها و النبي سيبيني ياماما نفس الكلام و الحال مش بيتغير انا خلاص مبقيتش مستحمله العيشه دي.
بعد حوالي ساعه وصلت غاده إلى الشركه و قد حاولت قدر الإمكان ان تخفي مشاعر الحقد و الغيره داخلها امسكت الملفات التي كانت