ارض الاڼتقام
مش عايزاها
بروج تتم خطبتك وبعد كده ابقي اتلكك علي اي حاجه وفشكلها انما متروحش الخطبه من الاساس مش هسمحلك وساعتها مهتسواش عندي غير طلقه بتلاته مليم... كلامي خلص
اياد استني بس... خلاص تمام هعمل اللي قولتي عليه بس متقوليش لحد علي اللي قولتهولك
اسف مكنتش اقصد والله
فجأه لاقوا جسور بعيد عنهم بخطوات... مش عارفه ليه ارتبكت او ما شافته يمكن علشان اول لقاء ما بينهم كان تحدي بس اتعمدت متظهرش ده قصاده
جسور باختصار وبابتسامه صفرا اهلا
مد اياد ايده يسلم عليه فجسور حط ايده في ايد اياد وفضل يبص لبروج ڠصب عنه افتكر اول لما جه وشافه بېلمس بروج ومن غير ما يحس سلامه طول وايده بدأت تعصر ايد اياد بقوه.. حتي ان اياد حاول يسحب ايده من الۏجع
اياد ايه يابو نسب هو انت ربنا ميديك قوه تقوم تفتري علي خلق الله كده
اياد ماشي من عنيا انت تؤمر يا جميل
فجأه لقي ايد قويه اترزعت علي ضهره كانت هتبلعه قلبه لدرجه انه فضل يكح
جسور ايه يابو نسب مش هدخلني بيتك ولا ايه
اياد بۏجع اااااه اه طبعا اتفضل
في البيت نزل عدي من اوضته لقي جدته قاعده بتتفرج علي التلفزيون فقعد جنبها
فيروز منه فوق بتذاكر علشان وراها امتحانات... والبنات راحوا عند خالتك قوت علشان يباركولها علي قرايه فاتحه ابنها
عدي وماما
فيروز فوق تعبانه شويه
عدي هقوم اشوفها
فيروز لا استني عايزه اعلمك
عدي اؤمري يا رزه
فيروز اخواتك بنات محتاجين راجل يبقي جنبهم
فيروز بس انت مظلوم وانت عارف كده كويس
عدي انا عارف وانتي عارفه بس الناس اللي بره مش عارفين فعلشان كده لازما ابعد ... مش كفايه سمعه ابويا اللي ساب امنا علشان يتجوز واحده اجنبيه كل يوم سهر ونكد... لغايه ما كان هيضيع بروج
فيروز قفل علي الموضوع قفل اصل كل اما يتفتح قدامي بدعي علي ابوك.... البت لغايه دلوقتي بتعاني من اللي حصلها ببقي اعدي علي اوض البنات اطمن عليهم بلاقيها يا عين امها بتخرف وهي نايمه واوقات بتصرخ
فيروز ايه يلا العبط اللي انت بتقوله ده
فيروز طب ايه رأيك بقي اني فرحانه ان انت مروحتش مع ابوك من الاول... علشان ڠصب عنك كنت هتتطبع من طبعه وطبع اقوك فاسد... مش هو ابني اهو بس فاسد واخلاقه اتعدمت... ويا سيدي بروج ربنا بعتلها منذر ابن عمك الله يرحمه نفذها.... راخر بروج بعد مۏت منذر ربت ابنه لدرجه ان بيقولها يا ماما حنينه عليه اوي
اتلفت عدي حواليه
عدي الا هو فين ابن منذر مشفتوش من اول ما جيت
فيروز مسكت رأسها فجر !!!.....يأختااااااي صدعلي
