ارض الاڼتقام الحلقه الرابعه

الفصل الرابع
روايه القلب وما يريد 
ارض الاڼتقام 
الحلقه الرابعه 
قامت بوسي من مكانها بفزع ايه!!! 
بروج شاورتلها شششششش اسكتي لو عدي عرف هيطين الدنيا .بروج بصت لسهام وكأنها قرأت اللي في دماغها فسهام اتوترت 
بروج وتعرفي هي فين دلوقتي 
سهام نزلت علي مصر وهتبقي تتصل بيا وتقولي هما هيتقابلوا فين فهتصل بيكوا واقولكوا.. ديه اختي ومرضلهاش الاڈيه 
بروج بكل برود خلاص يا سهام اتفضلي... وكتر خيرك علي اللي عملتيه 
رجعت سهام بضهرها شويه واول ما اديرت اخدت نفسها... بروج دي مش سهله خالص معقول تكون عرفت ان سهام هي اللي اقترحت عليها فكره الهروب اصلا.. علشان هي عارفه قد ايه ان العيله دي كبيره ولما تقولهم علي خطه هروب بنتهم فكده هتكون نقذت شرفهم ويبقي ليها جميله من عندهم وتبقي من حبايبهم ومش بعيد يجوزوها اسلام او عدي. هي مفكرتش هي عايزه تتجوز مين فيهم.. كل اللي يهمها انها تبقي جزء من العيله دي

بروج وقعت على الكرسي وحطت ايديها علي دماغها 
منه رجعت 
منه بوجي انا ملقتش تلا جوه
بوسي هربت 
منه بفزع اييييه 
بروج بصوت مخڼوق زي ما قالتلك... هربت مع بلال ابن ولاد فارس 
منه لا حول ولا قوه الا بالله... ربنا يسترها... طب قولوا لعدي 
بروج لاااا عدي لاااا ده ېقتلها هي وهو لا ابعدوا عن عدي.. انا هنزل مصر اجيبها 
وبصت لبوسي بت انتي هتيجي معايا.... وكلمي بنات عماتك هيجوا... انا عارفه مفيش واحده فيهم هتفتش سرنا... وبعدين احنا مش هنقولهم كل الموضوع هنقولهم انها كانت عايزه تطلع رحله واحنا رفضنا علشان كده مشيت.... وبعدين وجودهم معانا مش هيخلي عدي يشك
منه طب هتقولوله انكوا رايحين فين 
بروج هنعمل شوبنج علشان جهاز مناره بنت عمته 
منه طب خلي بالك من نفسك. انتي وهي 
بروج باذن الله خير...
في الطريق اتصلت بيهم. سهام وقالتلهم علي المحطه اللي هينزلوا فيها تلا وبلال 
بروج بزهق طيب طيب عرفت تشكري يا ستي 
بوسي كان قاعده جنبها وعرفت انها بتكلم سهام 
بوسي البت دي انا مش مرتحالها يا بروج مبطقهاش بس اهو هي اللي ساعدتنا وقالتلنا علي مكانها 
بروج اقطع دراعي من هنا اما كانت البت دي هي اللي مخططه لكل حاجه 
بوسي ازاي !
بروج اختك تلا متجيش في دماغها فكره الهرب دي... والواد اللي هربت معاه وقت ما جه بيتنا كان عامل زي الكتكوت المبلول وشوفت الجبن والخۏف في عنيه علي عكس اخوه كان واقف ثابت كده ومش خاېف 
بوسي طيب سهام ايه مصلحتها في كده 
بروج من ناحيه المصلحه ففيه مصالح كتير أقله تكسب ود عيله كبيره وتبقي كاسره عنيهم بحاجه 
بوسي قربت من دماغها 
بوسي دماغك ابوسها 
بروج بعدت بس يا زفته انا بسوق 
بوسي بصت وراهم لاقت واحده من بنات عمتها مركزه معاهم اوي فبوسي قعدت علي الكرسي بتاع العربيه بالعكس وقامت ماده اديها لبنت عمتها