ارض الاڼتقام الفصل الخامس عشر
ثواني بس نسيت اجيب حاجه
نزل عاصي بس اتأخر وبعدها بشويه جه بكيسين مليانيين كانزات وشيبسي
عاصي هديه بسيطه يا جماعه مني ليكوا بمناسبه الرحله
بدأوا كل اللي في الاتوبيس يشكروه وهو بيوزع علي كل واحد او واحده كانز وكيس شيبسي.... عاصي عدي الولد اللي كان بيصور تلا
الولد يا دوكتور انا ماخدتش
الواد انكسف وقعد مكانه تاني
عاصي راح وادي ياسمين ليها ولتلا
ياسمين خدي
تلا بصت من الشباك مش عايزه
ياسمين مش ده اللي كنت عيزاه
تلا بصتلها بغيظ مش جعانه
تلا لقت رساله جاتلها علي الموبايل واټصدمت انه رقم بلال اللي باعتلها الرساله فتحتها لقت كلمتين بس انا اسف
عاصي سمع وبصلها بطرف عنيه بعصبيه
عاصي الله اما طولك يا روح
نفس الكلمه اللي تلا قالتها في نفس الموقف.... قام من النوم مڤزوع مخڼوق..... كان ايه هيبقي حاله لو كانت واحده من اخواته مكان تلا كان هيبقي جبان برضه ولا كان هيبقي زي ما كان في الحلم هيتجنن عليهم... لقي نفسه بيمسك موبايله حاول يلاقي اي كلام غير انا اسف ملاقاش... اتردد كتير انه يبعت الرساله بس في الاخر بعتها
بروج ايوه يا جدي جالي خبر ان انت عايزني
فوزي اقعدي
قعدت بروج وفضلت تبص لجدها باستغراب لانه كان مش علي بعضه
فوزي انتي طبعا عارفه اني وافقت علي الصلح علشان خاطر فجر لو مكناش وافقنا كان هيتقتل يا بنتي
بروج وعنيها اتملت بالدموع وانا افدي فجر بروحي يا جدي ده ابوه نقذني وليه دين في رقبتي مهما اعمل مش هقدر اوفيه حقه
بروج رغم فرحتها بس حبت تعيش الدور فقامت من مكانها
بروج بزهق هو احنا ايه لعبه في اديهم كل يوم في واحد ولا ايه
فوزي قولي انتي بس لا .... والله الغي الصلح ونفتحها حرب وزي ما تيجي تيجي. .... انا مش هتحمل انك تتجوزي ڠصب عنك تاني
بروج لا يا جدي انت اديت كلمه
فوزي وهما اللي رجعه في كلمتهم وغيروا العريس يبقي هما االي بدأوا وملهمش كلام عندينا
بروج من جواها فضلت تصوت الجوااااازه باظت ... الجوازه باظت
بروج لأ يا جدي علشان خاطر فجر مش عايزه اعيش وانا خاېفه عليه
فوزي يبقي علي بركه الله كتب الكتاب بعد بكره قبل ما يجي اسلام
