ارض الاڼتقام الفصل الثامن عشر

حاجه نشربها. 
نزلت تلا جري لاقت ايد شدتها وبعدت... بصت تلا للي شدها ولاقته بلال وكانت لسه هتصرخ راح حاطط ايده علي بوقها
بلال انا اسف... تلا ارجعيلي انا اتغيرت والله 
وشال ايده من علي بوقها علشان يعرف ردها 
تلا الجبان عمره ما بيتغير 
بلال لا انا اتغيرت وعرفت غلطي بس ارجعيلي 
تلا بقرف انا ندمت اني كلمتك من ورا اهلي لاني اهلي ميستحقوش اني اعمل حاجه من وراهم وندمت ان ڠضبت ربنا علشان بكلم واحد غريب عني ومليش اي صله بيه وندمت علي اللي عملته في نفسي وکرهت نفسي لاني حبيتك في يوم من الايام .... انت نزلت من نظري يا بلال واللي بينزل من نظري مبيعلاش تاني .. . شوف نفسك وشوف حياتك بس بعيد عني 
جت تسيبه وتمشي وقفها صوته لما قالها بس انا لسه بحبك 
التفتت تلا ليها بسخريه انت عمرك ما حبتني 
وسابته ومشيت 
واقف يعاكس في اللي راحه واللي جايه فراحتله 
حسناء مش ناوي تتهد بقي 
اياد الله وانا عملت ايه 
حسناء بطل قرف واقف تبصلي علي اللي راحه واللي جايه 
اياد ببرود بتغيري 
حسناء مبقاش الا واحد زيك اللي اغير عليه كل الحكايه اني شايفه جسور مش عاجبه حالك وملاحظ وممكن يتهور ويقوم يضربك عيارين 
اياد خاېفه عليا 
حسناء ببرود لا خاېفه علي جسور ليدخل السچن في حاجه متسواش
وسابته ومشيت 
وقف يتابع الفرح بحسره.... جده اجبره ان يحضر الفرح 
كانت بوسي واقفه قريب منه فجت واحده شدتها علشان ترقص وبوسي راحت معاها ولسه هترقص ..... راح اسلام شاددها من دراعها ورجعها مكانها تاني 
بوسي ايه اللي عملته ده انا كنت هرقص بس 
اسلام والمفروض يعني اني اطبلك ولا اكون قرني اخلي اللي رايح واللي جاي يبص علي حضرتك وانتي بتترقصي علشان اعجبك 
بوسي وانت مالك أصلا 
اسلام بت متستفزنيش خلي الليله دي تعدي علي خير 
بعد اما الفرح خلص 
بصت بروج لأوضه جسور اوضتك مش بطاله 
جسور زيدي رصيدك معايا زيدي 
فجأه النور قطع فبروج مسكت في رقبه جسور 
جسور هتموتيني يخربيتك 
بروج انا بخاف من الضلمه 
جسور طب سيبي رقبتي طيب 
بروج انا بخاف من الضلمه عااا
تاني يوم الصبح صحيت بروج بعد ما جسور دلق عليها مايه دافيه 
بروج بخضه ايه في ايه 
جسور دي علشان خنقتيني بالليل 
ومسك ازازه مايه سقعه فضاها علي رأسها. فصړخت 
جسور ودي علشان فيلم الړعب اللي عيشتيني فيه بالليل بعد اما قلعتي الطرحه والمكياج ساح وبقيتي عامله زي الجنيه 
ومسك حله مليانه تلج وحدفها بيها ودي علشان نايمه ترفسي زي الحماره وترميني من علي السرير 
بروج بغيظ جسووور 
جسور قلبه والله... قومي غيري هدومك وانزلي علشان تفطري 
بروج عاااااااا 
جسور هتتحولي ولا ايه انا نازل 
نزل وسابها.... بروج اخدت شاور وخرجت علشان تنزل تفطر بس وقفت لما سمعت صوت حد بيأن وبيتوجع وقفت قدام الاوضه اللي جاي منها الصوت مش عارفه تعمل ايه.... خبطت علي الباب بس
 محدش رد فاضطرت تفتح فلاقاتها داليدا نايمه وعمأله تتوجع... راحت تصحيها مردتش فحطت ايديها علي رأسها لاقتها سخنه ڼار وعماله تخرف وتقول كلام وهي نايمه