ارض الاڼتقام
او بالاصح تهورها اللي رماها في متاهه هي مش عارفه اخرها .... وبعدين هتعمل ايه في الشخص اللي عايشه معاه ده ومن الواضح ان شبه حاتم
وهي لسه في تفكيرها لاقت صوت باب بيتفتح
عدي دخل الشقه رمي المفاتيح والموبايل علي الكنبه وراح ناحيه السفره لقي الاكل زي ما هو ..... راح وخبط علي باب الاوضه فحضنت نفسها وهي بترتعش.
داليدا صړخت پخوف لأ
عدي طب اخرجي بره الاوضه علشان في حاجات جوه انا محتاجها هأخدها وهروح الاوضه التانيه
داليدا قامت من علي السرير وقربت من الباب طب ارجع لورا... ابعد عن الباب يعني اقولك اقعد عند السفرا
داليدا اه
عدي حاضر يا ستي
بصت من مكان المفتاح لاقته فعلا راح وقعد علي السفرا
فخرجت من الاوضه پخوف
عدي قام اطمنتي كدا
وراح ناحيه اوضته فقوفته داليدا
داليدا انا ممكن اخد الاوضه التانيه بدل ما تنقل حاجاتك
عدي لااا
ولا هنا كانت قاطعه مفيش اي كلام بعدها
فقامت هي ودخلت اوضتها
فموبايلها رن. وطلعت صاحبتها اللي كانت معاها في السكن بتقولها ان فيه امتحان مهم بكره... قامت داليدا بسرعه وهي مفزوعه هي حياتها ضاعت بس مش عايزه تضيع دراستها هي كمان مش عايزه تغضب ربنا من كل النواحي بس افتكرت انها جايه بهدومها اللي هي لابساها دلوقتي بعد اما امها قالتلها مش هتأخدي هدمه من عندنا وابقي خلي المحروس يصرف عليكي بقي... ده حتي اخدت منها الدهب بتاعها..... حمدت ربنا انها مخلتهاش تروح بالفستان ..... ولو حتي حبت تشتري حاجه هي ممعهاش فلوس فمقدمهاش الا حل واحد عدي
عدي ايه في حاجه ولا ايه
داليدا صاحبتي قالتلي ان فيه امتحان بكره مهم وانا عايزه اعدي علي السكن بتاعي اخد كتبي ولو كان ليا هدوم هناك اخدها
عدي تمام دقيقه بس وهاجي اوصلك.
عدي اخدها في تاكسي لانه معندهوش عربيه
عدي ايوه ياسطا وقف هنا
عدي انزلي لو سمحتي
نزلوا قدام محل ملابس ودخلوه
عدي اختاري اللي انت عيزاه
داليدا بس...
عدي اختاري اللي لازمك ومالكيش دعوه.. انا هقف بره ولما تخلصي اندهيلي علشان ادفع
في بنتين كانوا واقفين بيختاروا معاها دريسات
بنت منهم الا مين يا حبيبتي اللي واقف بره ده ده عمال يبصلك اوي
البنت التانيه اوعدنا يارب
ابتسمت داليدا بحزن بتتحسد علي حاجه هي مش فرحانه بيها اصلا
بعد اما اختارت اللي يلزمها شاورتله من ازاز المحل فدخل حاسب ومشيوا راحوا السكن اخدوا الكتب ورجعوا .... كل واحد فيهم دخل اوضته
عدي جه يخرج من اوضته لاقاها قاعده بتذاكر.... راح علي المطبخ وعملها فنجان
