عشق متملك الجزء الثاني الحلقه الأولي

تلك العدات من الضغط ولا يدري كم من الضغطات فعل.. فقد كان شاردا بعالم اخر خاص به وحده مع من سلبت منه فؤاده وفرت هاربه الي بلد اخري.. 
أخذ يبتسم في فخر وهو يتذكر حديث حمدي عنها وعن ما وصلت إليه ليعد ذلك الشئ الوحيد الذي يبرد نيران قلبه التي يجمع حطبها من سبع سنوات ليشعل بداخلها كل من تسبب له بوضعه في هذا المكان...
من اجل تلك الچريمه التي ارتكبها بملئ إرادته ولم ينكرها بعد كل المتاعب التي تسببت له.. 
تلك الواقعه التي قضت علي حريته وحياته.. 
تلك الواقعه التي تسببت في أن يبعد عن قلبه حب عمره الوحيد..
تلك الحاډثه التي جعلت من اسمه متهما واقترنت بها طوال سبع سنوات.. المتهم عبدالله أحمد الحسيني
فاق عبدالله من شروده وجلس أرضا بعدما انتهي مما كان يفعله علي صوت أحدهم وهو يفتح باب زنزانته....
عبدالله بيه...الأكل يا أبني...!
كان ذلك صوت الشاويش مجدي بعدما دلف إليه.. إبتسم عبدالله بهدوء وهو ينظر إليه مجففا عرقه انت لسه مصمم برضه تقولي عبدالله بيه..... انت شايف الوضع اللي انا فيه حاليا يسمحلك تقولي بيه يا شاويش مجدي 
تقدم إليه الشاويش مجدي في ود وهو ينظر اليه وهفضل اقولك عبدالله بيه لأخر يوم في عمري... البيه بيتولد ويعيش بيه يا أبني..
أبتسم عبدالله في ود وهو يربت عليه يعيش بيه في أي مكان يا شاويش مجدي الا في السچن.. السچن مش بيعمل منك غير مسجون زيك زي اي واحد هنا..
لمعت عين الشاويش مجدي بالعبارات وهو يعترض علي كلامه اوعي تقارن نفسك يا ابني بأي حد هنا.. انت مش شبيه ليهم.. السچن مش بيدخله غير المجرمين والحراميه وقتالين القټله.. وانت مش منهم ولا عمرك هتكون منهم... انت يا أبني....
قاطعه عبدالله متهكما انت بتنفي حقيقه يا شاويش مجدي.. حقيقه مش أي حد بيشوفها.. القانون بيتعمي ومبياخدش غير بالأدله والبراهين وبس.. لكن القلوب هي اللي بتشوف الحقيقه وللأسف مش الكل بطيبه قلبك يا شاويش مجدي
بدي الضيق واضحا علي ملامح الشاويش مجدي وهز رأسه بنفي وإصرار وانت مش محتاج تكون في السچن عشان يعرفوا اصلك الطيب ويشوفوا صورتك الحقيقيه اللي انا شفتها.. لا السچن ولا قطبانه ولا أي مكان يقدرو يلغوا شخصيتك ولا يغيروا حقيقتك واحترامك يا إبن الناس المحترمه... انا عمري ما هنسي الجميل اللي عملته معايا ولا مع بنتي بعد ما اتكفلت بمصاريف عمليتها كلها وانقذتها وأنقذتنا معاها.. انت يا ابني جميلك فوق راسي يا أبن الأصول
أبتسم عبدالله في حنان وأمتنان وهو يربت علي يديه ربنا يعزك يا شاويش محمد أنا معملتش غير الواجب... المهم يا راجل انت.. انت هتاخدني في دوكه وتنسيني أسألك ليه انت اللي جايبلي الأكل بنفسك...!!
أجابه الشاويش مجدي في ود شديد مش حكايه اكل يا ابني.. ده انا بس حبيت أقعد معاك شويه في اخر ايامك هنا.. حبيت أشبع منك قبل ما تسيبني وتمشي..والله ما تعرف فراقك هيعز عليا قد إيه!
ضحك عبدالله وهو ينظر إليه مضيفا والله لولا أني عارف اللي في قلبك كنت قلت انك مش عايزني أخرج من هنا
كسا الحزن ملامح الشاويش مجدي واجابه مبتسما انت عارف إني عايزك تخرج عشان تجيب حقك.. عايزك ترجع من تاني واقوي من الأول.. لكن زعلان انك هتقطع بيا...
عبدالله بطيبه مين قال اني هقطع بيك يا شاويش مجدي.. انت من الناس القليله اللي كسبتهم هنا وانا مبنساش حبايبي ولا أي حد وقف