عشق متملك الجزء الثاني

سوي صوت بكائها الذي كان يقطع قلبه قبل ان يصل الي اذنيه ..
قالت مرام بصوت خرج بصعوبه شديده وسط بكائها طول عمرك ذكي وبتعرف تستغل الموقف لمصلحتك يا عبدالله .. قدرت تستغلني في اني مراتك وعرفت تمنعني وټحطم كبريائي وتكسرني... عرفت تذلني تاني وتربطني من كل حته.. طول عمرك ذكي.. وأستغلالي


ثم اضاف ايضا مستنكرا ولا ليه من اسبوع ! .. دا لسه بس امبارح .. لو كنت فعلا عايز استغلك مكنتش سبتك تقومي من حضڼي غير وانتي حامل مني وخصوصا بعد ما كان برضاكي وانتي في وعيك وعريانه بين ايديا وكمان انتي اللي اترجيتيني .. لكن انا واخد عهد علي نفسي اني هحافظ عليكي حتي لو علي حسابي ..وعمري ما هيبقي في بيننا حاجه غير واحنا متصافيين مع بعض ومجاوبك علي كل اسألتك وانتي مقتنعه وموافقه عليا بعدها .. لكن عمري ما هستغل ضعفك وحاجتك لجوزك حتي لو هتتنازلي انتي من ناحيتك انا اللي مش هرضاها ليكي لأن عندي كرامتك فوق كرامتي بس للأسف انتي مفهمتنيش ده 
توقفت مرام عن البكاء وهي تستمع اليه في صمت بينما قرفص هو علي قدميه امامها وهو ينظر اليها لو كنت فعلا بني ادم وحش واستغلالي كنت اديتلك حريتك دلوقت من الوصايه وسيبتك تروحي تكتبي كتابك ووقتها كنت حطيت قسيمه جوازنا قدام المأذون اللي لسه معايا وحطيت راسك في الطين وخليك مسخره قدام اللي يسوي واللي ميسواش وقلت للدنيا كلها انك مراتي وعلي زمتي انا
رفعت عينيها الدامعتين اليه فاكمل في نبره حنان لم تخلو من اللوم والعتاب اتغيرتي يا مرام وبقيت حاسس ان اللي قدامي دي فعلا واحده تانيه غير البنوته اللي كبرتها علي ايدي .. واحده تانيه متعرفش مين هو عبدالله واخلاقه وتفكيره .. حاولي تنامي يا مرام وكفايه عليكي اللي حصل النهارده 
ثم تابع في حسم واصرار بس وعزه جلاله الله يا مرام لو ناجي ده قربلك او عملتي تصرف ميعجبنيش مالا مطربق الدنيا دي كلها علي دماغك ودماغه لاني وقتها مش هتصرف كعبدالله الحارس اللي بيشتغل معاكي.. انا هتصرف كعبدالله جوزك !
والتقت عينيهم في نظرات طويله صامته قبل ان يغلق باب الغرفه ويتركها .. 

ذهب عبدالله لغرفه سمر ولم يجدها فذهب الي غرفته وجلس بها وقتا طويلا حتي مل منها ونزل الاسفل فوجد كل من مسعد وزوجته وايمان قطب يجلسون في الردهه والصمت هو سيد الموقف ..
ممكن يا زهره اذا سمحتي تعمليلي فنجان قهوه !!
اومات له بالايجاب وذهبت كي تعد القهوه في حين نطقت ايمان انا همشي يا جماعه لأن الوقت اتأخر جدا وتلاقي الجماعه اتصلو بيا كتير .. 
اومأ لها عبدالله فنظرت داخل حقيبتها ولم تجد هاتفها فتذكرت انه كان بيدها في غرفه مرام فصعدت اليها كي تحضره
في حين اتت زهره بكنكه صغيره من القهوه واخذت تصب لهم في صمت ايضا حتي انتفض عبدالله من مكانه وكذلك مسعد بينما انسكبت القهوه علي يد زهره لا شعوريا حين سمعو جميعا ذلك الصړاخ
عااااااا .. الحقوووني .. الحقوووني