هوس من اول نظرة

طنط
هدى إنسانة قوية و إن شاء الله حتقوم بالسلامة
و حنيجي كلنا نعيش هنا... انا و إنت و هي و ماما .
سيلين بطفولية إنت عندك مامي.
سيف بضحك انا النهاردة ضحكت اوي
مش عوايدي اكون مبسوط بالشكل داه...
سيلين بعبوس بتضحك عشان انا بتكلم
مصري وحش... و بتقلي هاني إنت و البنت
اللي صحتني من شوية.
قهقه عاليا لتبتسم سيلين تلقائيا على جمال
ضحكته التي زادته وسامة.
توقف بصعوبة قائلا لا هي بتقلك يا هانم
بالميم.... مش هاني... لازم تناديكي كده عشان
إنت صاحبة البيت هنا و هي بتشتغل عندك... .
سيلين بجهل مش فاهم...
سيف باللغة الألمانية أقصد انها تعمل هنا و من 
واجبها إحترام أصحاب المنزل... و لذلك تناديكي
هانم... فهمتي .
اومأت له و هي تتمتم بتفكير يعني إنت 
كمان تناديكي هانم....
سيف ضاحكا يا نهار اسود...داه إنت المصري 
بتاعك بايز خالص خاصة المؤنث و المذكر...إنت 
بهدلتي الدنيا... لا إنت تناديكي هانم عشان 
آنسة حلوة و قمر... بس انا راجل فهي تناديني 
باشا...
سيلين بضحك بعد أن فهمت مقصده فهمت 
يا باشا....
حاوط كتفيها بذراعه و هو يحثها على الوقوف 
قائلا يا روح قلب الباشا إنت... يلا خلينا نقوم 
عشان العشا جهز من بدري....
سار بها نحو طاولة الطعام و هو مازال يهز رأسه 
و يضحك بخفوت.. لا يعلم مالذي حصل له هذا 
اليوم حتى يصبح بهذه الحالة الغريبة...
لا يريد أن يفكر في أي شيئ سوى أن وجودها 
بجانبه هذا اليوم جعل يومه مختلف جدا جدا.
يتبع