الاعمي

و النبي بلاش تفكري الا انتي هبله ههههه هو انا هنسي اول ما سمعتي بخبر القبض علي الزفت ده عايزه ترجعي تقعدي مع امه
زينب مانا قولت خلاص خلصت منه يا حاجه و كفايه كده تقلت عليكم
ايمان بردو مصممه تزعليني منك يا بنتي انتي قاعده فبيت اختك و اخوكي و بعدين ايش ضمنك امه العقربه ترضي تدخلك مش هينوبك غير البهدله يا حببتي
زينب بهم طب اعمل ايه رفعت قضيه طلاق و انتي عارفه المحاكم حتي لما اتقبض عليه قولت هخلص منه بس اديكي شايفه بعد ما وافق و طلب فلوس من الحاج رجع في كلامه و رفض يقابل استاذ ابراهيم المحامي هفضل كده متعلقه
ايمان بحكمه كل اول و له اخر يا زينب اصبري و ادعي و ربنا هيجبرك و يراضيكي هو اعلم بالظلم الي اتظلمتيه و قادر يعوضك عنه
داخل منزل محروس كان الدفيء و السعاده تملأ جنباته فبعد مرور عده ايام علي زواجه بحبيبته دلال و اصبحت داخل بيته و احضانه عاد الاطفال من السرايا ليستقرو معهم في غرفهم المجهزه 
شعر الولدان ان لهم اب يهتم بهم و يعلمهم الخطأ من الصواب و اخيرا وجدت منه تلك الطفله اليتيمه اما تحنو عليها و تهتم بها 
جهزت الفطور فوق الطاوله الصغيره بعد ان ايقظت زوجها و طلبت منه ان يتولي هو الصبيه الي ان تجهز منه قبل ان تذهب الي مدرستها المجاوره لخاصه ولدها الكبير و الذي تولي ايصال اخيه و منه معا قبل ان يذهب الي مدرسته ليكون مسؤول عنهم كأخ كبير للاثنان
منه بدلال و النبي يا ماما بلاش ضفيره انا زهقت
دلال بعدم فهم طب اعملك ايه يا منه حيرتيني
منه اعمليلي قطتين
ضحكت دلال بصخب عليها و قالت وهي تدغدغها انتي قطه و عايزه قطتين
سمع محروس و الصبيه تلك الضحكات السعيده فهرولو اليهم ليشاركوهم المزاح 
محروس بسعاده ظاهره علي محياه ما تضحكونا معاكم
دلال منه زهقت مالضفيره و عايزه تعمل قطتين في شعرها ينفع كده
كاد ان يرد عليها بمزاح الا ان رؤوف قاطعه بجديه و قال لاااااا مينفعش اوعي تعمليهم يا ماما
نظرو له جميعا باستغراب من انفعاله الغير مبرر بالنسبه لهم و سالته امه بهدوء مالك يابني محموق كده ليه و انت عارف انا اقصد ايه
رؤوف برجوله ايوه عارف الكحكتين الي بيبقو منكوشين دول البنات بتسميهم ودن القطه باين مينفعش منه تعملهم
نظر له محروس و ساله بمغزي فهمنا بالراحه معترض ليه و لو انت صح كلامك هيمشي
نظر له رؤوف و قال بعنفوان يا بابا البنات بتعملها عشان الشباب تعاكسها و حتي لو عملاها عشان موضه بردو بيتعاكسو ينفع ابقي رايح اجيبها مالمدرسه و الاقي الصبيان بيعاكسوها طبعا مش هسكت و هتخانق و امي هتعملي حكايه و انت ممكن تزعل مني يبقي علي ايه كل ده بناقصهم خالص
نظرت له دلال بفخر اما الاخر اقترب منه رابتا علي كتفه بحنان اب وهو يقول كلامك يمشي انت صح و شوفت الي احنا ماشفنهوش ربنا يحميك يابني
انتشي الصبي بعد تلك الثقه التي بثها له محروس من خلال كلماته فهو يمر باخطر مرحله مرحله المراهقه و التي يعتقد فيها انه اصبح رجلا و كل ما يفعله صواب تلك الفتره لا تريد العناد ابدا معه بل اقناعه بما تريد بكل تعقل حتي لا يعتقد انك تامره و هذا ما يرفضه من يمر بتلك المرحله
مرحله المراهقه هي الاهم في حياه