الاعمي الفصل الخامس و الثلاثون

علي تلك الورقه بس ده مش دليل يا بنتي
نطق فارس بدلا عنها بما اوصاه به جواد سعله يا حاج تحليل دي ان ايه مع اي حد فينا يعمله عيثبت اذا كانو ولاد ابننا و لا لا
نظرت له بامل و رجاء ثم قالت صح انت صح انا موافقه ارجوك اعمل التحليل ده و هتتاكد من كلامي
فارس تمام بس من حقنا نعرف الحكايه و لا ايه
مسحت دموع القهر بانامل مرتعشه ثم قالت انا كنت شغاله في اداره المصنع بتاعكم ....بنت غلبانه عندها ١٨ سنه اخدت الاعداديه و مكملتش تعليمها عشان تساعد امها في تربيه اخواتها بعد ما ابويا ماټ.....شافني و عجبته ...حطني فدماغه و حاول معايه كتير ...بس انا فقيره اه بس مليش فالحرام ...فضل يطاردني بالحنيه شويه و يهددني بفصلي من الشغل شويه بس انا بردو صممت علي موقفي
لما ملقاش مني فايده و ان مش زي البنات الي ضحك عليهم و بعدها مشاهم من الشغل ....عرض عليا اتجوزو عرفي ....جالي البيت و طلبني من امي ووعدها انه بعد ما يرتب اموره مع مراته هيكتب عليا رسمي ....بس فالوقت الحالي مش هينفع عشان المأذون هيبلغ مراته انه اتجوز ...و احنا غلابه و مش بنفهم فالحاجات دي ....امي لقيتها فرصه ان ارتاح و اريحهم معايه.....جابلي شقه و كتبها باسمي و جاب شقه تانيه لامي و اخواتي عشان يطلعو من الحاره و ميعرفوش حد مكانهم
انا الاول مكنتش فاهمه السبب بس بعد كده عرفت....شهقت بقوه و اكملت كان خاېف حد يعرف بالجوازه و يعرف مكانا عشان كده اخد الشقه في حته مقطوعه
قعد معايه ست شهور مشوفتش منه غير كل خير ...بس كان طالب مني اخد مانع للحمل ...بحجه ان نصبر لحد ما يعرفكم بجوازنا....امي لما لقت الوقت بيعدي و كل يوم يطلع بحجه ...قالتلي بطلي تاخدي البرشام عشان تحملي منه و يبقي كده مضطر يقول لاهله بدل ما تفضلي طول عمرك في السر
سمعت كلامها ....بكت بقوه و لم تستطع ان تكمل ....ناولتها روان كوبا من الماء و هي تنظر لها بشفقه
هدأت قليلا و اكملت حملت ...بس مردتش اقوله غير بعد شهرين ...اول ما عرف ضړبني علقھ مۏت عشان يسقطني ....و اخد الورقه العرفي الي كانت معايه و قطعها ...رمي عليا يمين الطلاق و هددني لو ظهرت في حياته هيقتلني
امي لحقتني و روحت المستشفي انقذوني ...و ربنا كان رايد ان الي في بطني يكون لي عمر عالدنيا....فضلت باقي شهور حملي نايمه عالسرير مش بتحرك من التعب و مظهرتش خالص في حياته....الفلوس الي كان بيدهالي خلصت من الادويه و الدكاتره ...بدات ابيع شبكتي عشان اقدر اصرف ...لحد ما ولدت ....بردو مبلغتوش غير بعد تلت شهور من الولاده لما اقدرت اقف علي رجلي
ابتسمت بهم من بين دموعها و قالت اول ما قولتله ان ولدت بنت و ولد توأم و مش عارفه اسجلهم عشان لازم الاب او اي حد من العيله هو الي يكتبهم....بهدلني و اتهمني فشرفي ...قالي لو عايزه تحافظي علي حياتك انتي و اهلك مشوفش وشك تاني ....انا اتمتعت معاكي شويه و دفعت التمن ....شقتين مكونتيش تحلمي انتي و اهلك تشتغلي فيهم خدامه
مشيت و سلمت امري لله ...منا مليش ضهر اتسند عليه ....رجعت اشتغل تاني عشان اصرف علي عيالي و اخواتي ...و مقربتش منه نهائي من اليوم ده
كاد عبيد ان يجن مما يسمع و لا يتخيل عقله