ليتك كنت صالحا بقلم فريدة الحلواني الفصل الثالث

الفصل الثالث
اعطني حريتي اطلق يديا انني اعطيت ما استبقيت شيئا اااه من قيدك ادمي معصمي فالاما الاسر و الدنيا لديا
الاطلال ام كلثوم
لم تشعر برغبه في ذهابها اليوم الي مدرستها و بعد معاناه مع والدتها استطاعت اقناعها بمكوثها فالبيت اليوم نظرا لامتلاء جدولها بدروس خارجيه فرأفت بها و اعطتها اجازه
جلست بجانبها و هي تحتسي كوبا من الشاي بالحليب الذي تعشقه و نظرت الي امها و قالت بحنين لسه مجاش الوقت الي تعرفيني فيه مين هو ابويا يا ماما دمعت عيناها و اكملت باشتياق انا حبيتو من حبك ليه و كلامك عليه الي بيخليني نفسي اعيش قصه حب زيك انتي وهو

هطلت دموع تلك العاشقه و قالت ابوكي يتحب يا ليله كان راجل بجد في كل حاجه ممكن تحلمي بيها مسحت دماعتها و اكملت كان مفيش في حنيته و طيبه قلبه و لا رجولته و جدعنته حاجه كده تخليكي تواجهي الدنيا بصدر مفتوح و انتي مش خاېفه لانك متاكده ان في ضهر هيسندك قبل ما توقعي
ليله و ليه سيبتيه يا ماما انا هتجنن كل ما تتكلمي عنه و كل حرف بيطلع منك بيحلف بعشقك ليه لما كنت صغيره لما اسالك عنه تقوليلي مسافر و لما كبرت و صممت اعرف هو فين وعدتيني ان لما اكبر هتحكيلي كل حاجه حتي لما جيه وقت عليا حسيت ان بكرهه عشان سايبنه كل السنين دي انتي زعلتي مني و قولتيلي ان انتي السبب مش هو و مقدرتش اضغط عليكي وقتها لما تعبتي و اغمي عليكي بس افتكر ان انا دلوقت كبرت كفايه عشان اعرف مين هو و ايه الي خلاكي تبعدي عنه برغم الحب الكبير الي جواكي ليه
بكت ليلي بحرقه ندما علي لحظه ضعف و جبن خسړت علي أثرها حبيبها و عشقها الذي لم و لن يتكرر
اقتربت منها ابنتها و ضمتها بحنان ثم قالت خلاص يا ماما حقك عليا متبكيش عشان خاطري
ربتت علي ظهر ابنتها ثم ابعدتها و قالت بحرقه قلب ېموت في اليوم مائه مره من شده اشتياقه لحبيب عمره و انتي فاكره انه سهل عليا كل ده لاااا مكنش سهل اني اغدر بيه و ابعد عنه مكنش سهل اعيش السنين دي كلها من غيره مكنش سهل احرمه من بنته الي كان بيتمناها و يحلم بيها كان لما يشيلك بحس انه ماسك حته من الجنه بين اديه سماكي ليله عشان تبقي ذكري لاجمل ليله عشتها انا و هو ابتسمت بحنين من بين دموعها و اكملت الليله الي اعترفنا فيها بحبنا لبعض و قضناها كلها علي شط البحر لوحدنا كنا بنسمع ام كلثوم الف ليله و ليله بعدها قالي لما نتجوز و ربنا يرزقنا ببنت هسميها ليله عشان الليله دي تفضل عايشه قدامنا باقي عمرنا و لما حملت فيكي و عرف انك بنت طاااار مالفرحه مع ان المفروض يبقي نفسه في ولد بس ساعتها قالي و دموعه ماليه عينه انا كنت بدعي ربنا يرزقني ببنت عشان نسميها ليله زي ما اتفقنا و الحمد لله ربنا قبل دعايه و هيرزقني باحلي ليله عشتها و هتكون حته مني و من اجمل و احلي و اطيب ست علي وجه الارض
ليله ياااااه يا ماما هو في حب كده
ليلي مهما حكيت مش هقدر اوصفلك حبنا لبعض
سامحيني يا بنتي و استحمليني خلاص هانت كلها السنه دي و السنه الجايه بامر الله تكوني خلصتي