الشيطان المتملك الفصل السابع و العشرون
و سيبي اختك على راحتها و بعدين إنت لسه جاية من المدرسة يعني تدخلي اوضتك زي الشاطرة تغيري هدومك و تحطي أكل عشان تتغدي إنت و اخوكي ....
إمتعظت ملامح نور و هي تتلقى توبيخ والدتها لتجيبها الله يا ماما و هو السؤال بقى حرام الايام دي انا كنت بس عاوزة أسألها قضوا شهر العسل فين عشان أغيظ لمياء و رؤى صاحباتي...
اختك لسه قاعدة معانا لليل مش حتهرب .
وقفت نور من مكانها و هي تلتقط أدواتها قائلة
بتذمر حاضر يا ماما رايحة أهو.... إلتفتت إلى كاميليا تتفحصها بتمعن قبل أن تردف مش حتباتي معانا ي كوكي
ظهر الارتباك على ملامح الأخرى لكنه تداركت نفسها سريعا مجيبة مقدرش يا نوري خليها المرة الجاية
بعد ساعة كان الجميع يجلس في الصالة يتبادلون أطراف الحديث بينما تجلس نور على الأرض هي و كريم يفتحون الهدايا التي أحضرتها لهم كاميليا
فتحت نور أخد الأكياس و هي تتحدث بثرثرة قلتيلي بكرة فرح هبة...و الله لوريها الجزمة
آخر مرة لما كلمتني قالتلي حكلمك ثاني و اقلك معاد الفرح بالضبط عشان تيجي و بكرة فرحها و هي لسه مكلمتنيش
دي مامة عمر وافقت على الفرح بالعافية .الام بهدوء ربنا يتمم لها على خير يا بنتي...أحسن حاجة عملها جوزها انهم حيعيشوا بعيد عن عيلته و إلا كانت هبة حتعاني معاهم....
نظرت إلى الشاشة لتجد شاهين يتصل بها تنحنحت قليلا لاجلاء صوتها وهي تجيبه الو.....
حاضر.. لا مش حتأخر..... تمام مع السلامة.
فصلت المكالمة لتجد نور و والدتها ينظران إليها بفضول و كأنهما يسالانها بعينيهما لتجيبهما بلامبالاةدا شاهين بيسألني لو خلصت حيعدي
عليا عشان ياخذني....
قاطعتها كاميليا تنهرها بجدية مخفية بذلك خجلها إنت بقيتي قليلة الادب على فكرة...
قهقهت نور قبل أن تضيف متتكسفيش عادي يعني داه بردو زي جوزك...
إنقضت عليها كاميليا تضربها بالوسادة لينظم إليها
كريم الذي إستغل الفرصة ليثأر منها على مافعلته
توقفوا عن عبثهم بعد أن شعروا بالتعب لتلتقط نور أنفاسها اللاهثة قائلة بالحق يا كوكي...انا محكتلكيش في واحد شبه جون سينا ساكن في الشقة اللي قدامنا....
رفعت كاميليا حاحبيها المرسومين ببراعة مستفسرة مين جون سينا داه...
عادت نور لتجلس في مكانها قائلة داه واحد من المصارعين اللي
