عدنان

بمعني تكلم
تنحنح الاخر في حرج و قال اا...ه..و هو الست حسنه تخصك قريبتك يعني
التف عدنان بجسده ليصبح في مقابله الطبيب و سأله وهو متحفز وانت ايش دراك بيها و هتسال عنيها ليه
توتر الطبيب ولكنه استجمع شجاعته و قال انا الي خيطلها چرح راسها من كام يوم وكانت مع واحد من رجالتك فقولت اكيد تخصك
سكت فنظر له الاخر ليكمل فقال بص يابني انا راجل كبير وانت عارفني دوغري مش بحب اللف. و الدوران فانا هدخل في الموضوع علي طول
انت عارف اني مراتي ماټت من زمان و بعد ما ربيت ابني و كبر سافر يشتغل بره وسابني لوحدي وانت عارف اهلي الله يرحمهم يبقو مين فانا لما شوفت الست حسنه الصراحه اعجبت بيها و لقيتها مفيش دبله في اديها فلو ينفع اتقدملها و اهو نبقي ونس لبعض
شرد عدنان قليلا ثم قال حتي لو عرفت انها هتشتغل عندينا في السرايا
مجدي و فيها ايه يابني الشغل عمره ما كان عيب وهي باين عليها ست محترمه و مكافحه وانا يشرفني انها تبقي مراتي بامر الله
ضحك حسن و قال مازحا اباااااه ديه انت واجع يا دكتور
ضحكو علي مزحته فاكمل عالعموم هي تبجي حمات اخوي ام مرته الجديده الي فرحه عليها بعد بكره
قال مجدي بفرح بجد طب دي حاجه كويسه يعني ممكن تكلمهالي ولا ايه و بعدين ليه قولت انها شغاله عندك مش فاهم
حينها توقفت السياره امام كوخ خشبي فقال عدنان قبل ان يهبط من السياره واحنا راجعين هجولك حكايتها ولو كت لسه عند رايك يبجي بعد فرحي هتحدت وياها و اشوف رايها ايه
انهي حديثه بدلوفه و اعقبه اخيه و مجدي
حينما دخلو الي غرفه النوم الوحيده المتواجده بهذا الكوخ وجدو بلال مكبل بالحبال و يغط في ثباتا عميق
و يجاوره الممرض المرافق له بامر من عدنان لمتابعه حالته علي مدار الساعه و ايضا قد ترك رجلان لحراستهم مع توفير كل سبل الراحه و ايضا كل ما يحتاجوه من طعام و شراب حتي السچائر لم ينساها
وجه مجدي الحديث للممرض قائلا ها يا محمد ايه اخباره
محمد والله يا دكتور اوقات بيستجيب للعلاج و اوقات تانيه بتجيله حاله هياج و بيبقي عايز الجرعه باي شكل
بس انا بقالي يومين مقلل نسبه المنوم ذي ما حضرتك قولتلي
امره بفك وثاقه و قام بالكشف عليه و ايضا قام بسحب عينه ډم من يده ليقوم بتحليلها ليعرف الي اين وصلت نسبه في جسده بعد العلاج المكثف الذي تلقاه في العشره ايام الماضيه
و قد اخرج من حقيبته الطبيه بعض الادويه الجديده التي سيحتاجها الفتره المقبله
حسن كيف حاله دلوك يا دكتور
بعد ان انهي الكشف عليه قال والله ذي الفل انا نفسي متفاجىء بالنتيجه الي وصلها برغم ان احنا لسه في اول الطريق بس واضح انه عنده اراده قويه وعايز يخرج مالي كان فيه عشان كده جسمه بيستجيب للعلاج اسرع مما تخيلت
عدنان بفرحه الحمد لله اني كت واثج فيه بلال زين بس كان رايد الي ياخد بيده
حسن طب هو جدامو وجت علي ما يفوج كنا رايدين يشوفنا لجل ما يعرف ان احنا مفايتنهوش وحده
عدنان ماحنا كل يومين بنطلعله الجبل ياخوي اني لما فتحلي جلبه لما كت متصاب في دراعي وجتها رتبت كل حاجه بسرعه لجل ما اجيبه اهنيه يتعالج منيها محدش يعرفله طريج و منيها ميحاولش يهروب و كماني عشان شيطانه مايوزوش يرجع في اتفاجه معاي
مجدي احسن حاجه عملتها