الافاعي الفصل الثالث والعشرون
بس ماتقلقيش هما كويسين دلوقتي
نهضت من مكانها وهي تقول بحزن
شكرا
العفو بس خدي بالك من نفسك شفايفك لونها أبيض لحسن تقعي أنتي كمان يا أنسة هو اسم حضرتك ايه
فتحت الباب وهي تقول سيلين
اسم رقيق زي صاحبته
خرجت من المكتب الخاص به دون أن ترد عليه وكأنها لم تسمعه أخذت صدى كلماته وتشخيصه لوالدها يتردد بذهنها بصورة متعبة أخذتها قدميها بخطوات مترنحة نحو العناية المركزة لتتوقف أمام النافذة الزجاجية ما إن وصلت هدفها لترى والدها من خلالها يرقد بين الأجهزة بجسد خاوي لا روح فيه
لا تصدق حتى الآن ماحصل معهم كل شئ من حولها أصبح رماد حرفيا
انزلقت بجسدها للأسفل ببطئ بقلة حيلة لتجلس على الأرض وهي تحتضن نفسها وتبكي بمرارة كالطفلة اليتيمة لم تشعر كم مر عليها من وقت ولم تفوق من ضياعها هذا إلا عندما شعرت بأحد يقف فوق رأسها لتفتح عينيها لترى أمامها حذاء أسود لامع و راقي
ليه كل ده !!
لوت شفتيها پاختناق وهي تقول بحړقة أختي نايمة بالدور اللي تحت عندها صدمة عصبية وأمي نايمة جنبها وقعت من طولها لأنها ماستحملتش اللي بيحصلنا
قبضت على تلابيب سترته بقوة وهي تقول من بين أسنانها پحقد واڼهيار قولي أعمل فيك إيه عشان يبرد قلبي من ناحيتك كل ده حصل بسببك أنت وأخوك كان يوم أسود يوم مادخلتم حياتنا وبوضتوها
أبعد يديها عنه ونهض وهو يقول ببرود بعدما عدل ثيابه البادي أظلم وسعد هو اللي بدأ
مش عايزة أشوفكم تاني واااء
قاطعها شاهين برفض لاااا ياحلوة ياسين عمل واكتفى باللي عمله وده شيء راجع ليه بس أنا لسه ماعملتش حاجة
كل ده ومعملتش حاجة بابا هيعلن افلاسه بسببكم
شاهين بتوعد ولسه ياما هيشوف مني
أنا عايزه يخسر كل حاجة مش بس فلوسه وتعب عمره اللي ضاع قصاد عينه
كل اللي عشناه بسبب أبوكي قتل أبويا وحرمني من عمي اللي كان ناوي يطلعنا من الوحل اللي احنا عايشين فيه دلوقتي فعشان كده لازم يخسر كل حاجة
والإختيار ليكي يا أنه يخسر عمره اللي فاضل يا
جفت دموعها على وجنتيها من ما سمعت ثم نظرت له بتشويش وهي تقول بعدم استيعاب
مش فاهمة !!! باباك عمك !!!
انت بتقول ايه
لاء اصحي معايا قالها وهو ينحنى نحوها ويسحبها من معصمها ليجعلها تنهض رغما عنها لتقف أمامه بصعوبة وهي تشعر بدوار شديد يحيط بها ثم وجدته يكمل بجدية
اللي حصل أكبر من إنك تفهميه بس اللي أقدر أوضحه ليكي هو إن بكرة الصبح هيتم اطلاق قرار من النيابة بضبط وإحضار سعد الجندي پتهمة تجارة أسلحة
مااااااهو أنا نسيت أقولك إن الشحنة اللي تصادرت بالميناء لقوا فيها هم ما يتلم وبلاوي مالهاش آخر
و ده غير إن قرار البنك طلع بالحجز ع الفيلا اللي مرهونة بقيمة القرض و ده كمان غير تجميد كل حساباته اللي بالبنوك يعني باباكي رجع ع الحديدة ده حتى الحديدة أنا سحبتها منه بسسسسس
بس ايه ما إن قالتها بتوهان حتى اقترب منها وهو يتلمس وجهها ويقول بخبث
بس ممكن تنقذي والدك من أنه يعيش آخر أيامه بالسجن مع المجرمين قطاعين الطرق بإنك
أكملت بدلا عنه وقالت اتجوزك
شاطرة يابطتي قالها وهو يقترب منها بجسده لدرجة الالتصاق ليعود الى الخلف باستمتاع ما إن وجدها تدفعه عنها پغضب
أااانت بتعمل كل ده عشان تكسر بابا فيا وأنا مش هديك الفرصة دي بابا عنده السچن أهون من إني أكون ليك
مط شفتيه بتفكير وقال
يمكن سعد هيفضل السچن بس ياترى هتقدري تشوفيه بيتعذب كده وأنتي بإيدك الحل ماظنش
أنا هسيبك دلوقتي تفكري براحتك عندك الليل كله وأنا عارف ومتأكد من قرارك بأنك هتوافقي لأن بالفترة اللي فاتت اكتشفت إن مش بس أنتي نقطة ضعف سعد لا هو كمان نقطة ضعفك و أكبر دليل على كلامي ده هو شكلك اللي واقفة فيه قصادي ده
على العموم بكرة الصبح هكون هنا عشان لما ياخدوا سعد أكون جنبك شفتي أنا شهم و حنين عليكي ازاي وبكلمة منك وامضاء بسيطة على ورقة هطلعلك باباكي من كل الدوشة دي فكري كويس وشوفي اللي يناسبك واعمليه
قال الأخيرة وتركها وذهب لتنظر الى أثره و هو يبتعد عنها وما إن اختفى حتى التفتت وفتحت باب غرفة العناية الخاصة لتدخل لوالدها وبرغم منع الطبيب ذلك إلا أنها كسرت كل التعليمات الطبية والارشادات
ودون أدنى مقدمات استلقت الى جانبه واحتضنت بطنه ما إن وضعت رأسها على صدره لتنزل دموعها بغزارة عندما شعرت بدفئ أحضانه لتقول بصوت يرتجف من شدة البكاء
في يوم قولتلي أنتي لو لفيتي العالم كله مش هتلاقي حضڼ ېضمك ويحتويكي زي حضڼي
باباااااااا عايزين يحرمونا من بعض وأنا والله والله والله ما أقدرش أعيش من غيرك
ختمت كلاماتها هذه وهي ټدفن وجهها فيه لتزداد آهاتها المچروحة مر عليها وقت طويل وهي ترفض ان تبعد نظرها عنه وكأن قلبها أعلمها بأن هذه آخر ليلة تراه فيها ولكن لا تعرف كيف غدرتها أجفانها وانغلقت باستسلام للنعاس
بأول ساعات الفجر وما أقساه من فجر سيمر عليها أخذت تقطب جبينها بانزعاج وهي تفتح عينيها ما إن سمعت ندائه الخاڤت
س سسس سيلين قالها سعد بتعب ولسان ثقيل وهو يضع يده على رأسها ويضغط عليه بضعف وكأنه يريد أن يضمها له أكثر
رفعت نفسها بسرعة وأخذت تنظرله بلهفة لتقول بعدما قبلت وجنته
بابا حبيبي
نظر لها وقال بصوت هامس ميرال فين
مافيهاش حاجة ماتشغلش بالك فيها طمني عنك أنت كويس قالتها وهي تراقب تعابيره الشاحبة پخوف ليغلق عينيه ويفتحها بخمول وهو يقول
ماتخافيش كويس
أنا هروح أنادي الدكتور واجي من تاني قالتها وهي تنهض بنشاط غريب وكأن صحتها عادت لها ما إن فاق ذهبت نحو الباب لتخرج ولكن استدارت له وأكملت وهي ترفع سبابتها له بتحذير بس أوعى ترجع تنام من تاني نومتك دي بتوجعني
وما كان رد سعد عل كلامها هذا سوا ابتسامة محبة انرسمت على وجهه المړيض
غادرت غرفة والدها بسرعة لتتصادف مع طبيبه الذي نظر لها بانزعاج وقبل أن يؤنبها على كسر تعليماته والقوانين وجدها تقول بفرحة بابا فاق
رفع حاجبه وقال أكيد هيفوق هو مش بغيبوبة
أومال ليه امبارح طول اليوم مافاقش
لأن احنا مديين ليه منوم عشان جسمه يرتاح ما أنا قولتلك ع
