لست ممتلكاتك
بشده
ريناد ..ماهى واقفه مع الدكتور اهى امال عامله علينا الخضره الشريفه ليه وذهبت
جاء الى اسيا تليفون
اسيا ..اذيك يا فاروق هتيجى النهارده
فاروق ..لا يا اسيا عندى شغل النهارده مش هعرف اجى بكرة هجيلك ماشي سلام بقى علشان عندى شغل
منه ..مالك يا اسيا مسهمه كده ليه
اسيا ..مش عارفه فاروق اليومين دول تصرفاته مش عجبانى
اسيا ..لا حاسه بحاجه غريبه مش عارفه ايه هيا
انتهت المحاضرات وعادت اسيا وهى فى الطريق
جاءها اتصال من رقم غريب
اسيا..الو مين معايا
الفتاه ..انا اللى خطيبك دلوقتى فى شقتها يا حبيبتى واظن انك عارفه الباقى مش محتاجه اوضحلك وده العنوان لو عايزه تتاكدى وانا هسيبلك الباب مفتوح
وصلت الى الشقه وجدت الباب مفتوح كما قالت لها دخلت الشقه بحثت عن حجرة النوم ووجدتها دخلت وصدمت مما راته وجدته فى احضان امراه اخرى
حاولت البكاء ولكن خانتها دموعها ولم تنزل
اما هو صدم عندما راها
ولكنها كانت قويه كالصخر خلعت دبلتها ورمتها عليه
البارت الثانى
اسيا..نزلت من الشقه التى شهدت على خېانه خطيبها وتعجبت من حالها ان دموعها لم تهبط
وصلت اسيا الى منزلها وجدت اخيها بانتظارها
اسر..اتاخرتى ليه يا حبيبتى
استوووب
اسر سعد الشريف توام اسيا يحب اخته عندما وصلوا مرحله الجامعه انفصل هو واخته عن عمه بسبب مضايقه زوجه عمه وابنتها لهم هو واخته واصبح يعمل فى مستشفى بجانب جامعته حيث انه فى الفرقه الرابعه فى كليه الطب
اسر..مالك يا اسيا انتى ناسيه اننا توام يعنى بنحس ببعض فيكى ايه يا حبيبتى
اسيا..انا فسخت الخطوبه
اسر..ليه اللى حصل
قصت له اسيا ما حدث
اسيا..بس تصدق يا اسر انا منزلتش دمعه واحده عليه
اسر..اسيا انتى لازم تطلعى اللى جواكى متكتميش فى نفسك كده غلط يا حبيبتى
اسر..خلاص يا حبيبتى قدر الله وما شاء فعل
فى فيلا السعيد
ناهد..والده مالك ربه منزل ربت طيبه لا تظن السوء باحد تحب اولادها
ناهد..ايه يا مالك هتفضل كده يا حبيبي رافض التعامل مع الستات بعد ماهى
ناهد..صوابعك مش زى بعضها يا حبيبي
مالك..خلاص يا ماما الكلام فى الموضوع ده لهيقدم ولا ياخر
ناهد..خلاص يا حبيبي اعمل اللى يريحك
مالك اسند راسه الى الاريكه وتذكر وفاه ابنه صاحب السته شهور
فلاش باك
مالك..انا رايح الجامعه يا ماهى خليكى جنب الولد علشان هو تعبان متسبيهوش للداده
ماهى..انا مقدرش انا ورايا شغل مهم وبعدين انا فهمت الداده اللى الدكتور قاله وهيا عارفه هتعمل ايه
مالك..انا بقولك الولد تعبان وانتى تقوليلى شغل مهم ابنك ولا الشغل يا هانم
ماهى..انا قلتلك قبل كده ناجل الخلفه شويه بس انت اللى اصريت اتفضل بقى مش انت عايز ولاد اقعد جنبه بقى
مالك..انتى مستحيل تكونى ام الام بتعمل اى حاجه علشان عيالها
ماهى..يوووه انت كل شويه تسمعنى الكلمتين دول انا زهقت
مالك..انا قلت خليكى جنب الولد لو نزلتى الشغل يا ماهى وسبتيه للداده انتى مش عارفه انا ممكن اعمل فيكى ايه ونزل وتركها
ماهى..انا رايحه الشغل يا داده خلى بالك من الولد
الداده..يا بنتى
